每次出行山post 都希望limited 自己唔好出咁多張相!
但係每次都出左好多張相!
行山前一晚,我不停諗起野豬....然後呢日,我見到好多隻野豬......心裡面又浮起朋友個工人話佢地係鄉下成日食呢D野豬...好Yummy....唔知點解我個腦成日都諗住食......有無D學名講下呢個係咩類型嘅行為..........
呢日係行 #柏架山道自然徑 >> #畢拿山>> #小馬山, 我地泊底車係康山行上去,#大風坳 真係好大風,上到山頂真係吹到成個傻婆咁,提大家著件hoodie 上去,因為戴帽會比風吹走!
一共行左大約9K,Chows 帶埋謙謙,佢真係好堅,全程唔洗人抱,我諗佢可以參加健力仕世界紀錄,未夠三歲有咁嘅耐力真係下次要叫你做「堅堅」唔係「謙謙」
條路其實算係容易行, 不個上山上得好急,又好多樓梯,D細路行得好快,我追佢地追到對腳又差D抽筋......-_-||
中段有幾個check point, #戰時爐灶 #鰂魚涌樹木研習徑 仲有山上嘅美景! 雖然呢日天陰陰,但係上到去都睇到對面海!香港好靚啊!!
要特別講下老公買左對新鞋,係一對原本我好想買,得男裝無我size 嘅行山鞋,我叫左佢好耐先買,佢唔聽人講,然後佢平時揀D款確係核突,佢對時裝同配色觸覺極差,你睇下佢件螢光風褸配黑色.....成個交通督導咁.....唔好意思,我有職業病......做左fashion 幾十年係咁上下.....不過garment 都有functional, 就係佢look落山實有人睇到佢!
❤️
Search